المدينة اليومالحالة
القدس7
رام الله7
نابلس9
جنين11
الخليل6
غزة12
رفح13
العملة السعر
دولار امريكي3.6452
دينار اردني5.1414
يورو4.2065
جنيه مصري0.204
ريال سعودي0.972
درهم اماراتي0.9925
الصفحة الرئيسية » أقلام وآراء
2019-04-14 23:22:43

حديث وطني ساخر

 ولك أنت شو مقعدك في غزة
تعال عندنا وشوف المايوهات
جنيات علي البحر بتلاقيها
مش بتقلي جالس تنتظر السمك
انت لليوم بتصدق كل الهبل
وبعدك بتحكي وبتكتب للوطن
ما اشبعت من شعاراتك الفارغة
انت يا كرم اصبحت مثلهم ونسيت
انك لازم تعيش يوم الك قبل ما تموت
اضحكت وقلت اتركني افكر في الموضوع
قال ما في وقت والعمر فيك راح يفوت
هيك بتكبر وشو حققت يا فيلسوف الكون
عارفك عنيد وبتعاند كل من حبك بيوم
انا مثلك كنت وانت بتعرفني كيف كنت
ثائر وحامل بارودتي والنهاية رحلت
عارف ليش
لاني ما اتحملت اعيش عبد وكان حلمي اكبر من هيك
قلت بعرف وما بلومك ولا بلوم كل من هاجر حق ومرغم
العيب مش فيك بعرف والعيب من صناع السياسة الي اوصلونا
للهجرة والموت واحنا احياء بالاسم وهينا عايشين بالبلدي
كيف ما تكون بتكون وبنقضيها خبز وزيت وزعتر من فلسطين
أقلك ما تصدقني والزيت غالي عندنا ومش الكل بشتريه
يوم ما يهب نفسنا عليه بنروح نشتري بشيكل بكيت صغير
لا هو مقضي حاجة ولا في حياتنا اصلا حياة مستاهلة تفكير
طيب وليش العذاب طالما القصة هيك وبعدك بتقلي بدك تفكر
والله يا صديقي ما بعرف شيء وكل اللي بعرفه اني مش هيك
ما بملك غير قلبي ونبضي وقلمي لأفرغ فيه من فكري ونقدي
ولما بحب اعيش برحل بروحي وبخليها تحيا وتحب وتعشق كمان
يا ابني فوق ههههه
اترك الاحلام والاوهام إلي معششة في راسك وشوف الدنيا من زاوية تانية
يا حبيبي ما بعرف وهيك الله خلقني ومن الآخر شوفلي فيزا طيب لاخرج عندك
لا صعب اقدر اساعدك هههه
طيب بتخليني اتجنن ليش معك واوافق وانت مش مالك غير كلماتك ومسخرتك
بنكش راس هههه
يعني وقفت علي ما انت طول عمرك مضحكة وبتصدق انك راح تحرر فلسطين
ما تلومني يا صديق وانا بعرف الضيق اكبر من كل الخوازيق إللي مرت عليك
لو كان بيدي لاخرجك واساعدك واخليك تشوف اللي عمرك ما شفته من قبل ههه
يعني وصلتني بحر الصين وفي النهاية بتقلي ارجع وعيش وكمل الخازوق لوحدك
ما انا ساكت وبالع وشارب من الفلس والطين وشو خلاك تفتح شهيتي للحياة
عامل مثل العرب والعربان ههههه
بسمعونا شعارات ولا طرب ام كلثوم وفيروز في الصباح وعيوننا اليك ترحل
وفي الحقيقة نفسهم يرحلونا كلنا ليرتاحوا من وجع الراس كيف ما صدعتني
صحيح انك غريب الاطوار هههههه
بطلنا نعرف مين الصادق ومين الكذاب ومين اللي بده يبيع الديار ..
الكل فزع وقال مش انا لو بوكل معكم تراب وبسف مناسف في الخفاء ..
ما راح اخليكم تشعروا كيف واحنا بنكيف بآخر الليل وبنعقد الصفقات..
فاكرينا هبل
مدفوع مليارات والكل بيفكر وبيحوم وبيحاول كيف يدخل إلنا
من أي باب يعبر ويصارحنا لازم ننسى وطنا وما نفكر ولا نتقدم خطوة في الصراع
حذاري من كل الكلمات ومن كل من يحاول الاقتراب او المساس من الجوهرة فينا
لو بتقدموا جبال من الألماس ما بنترك أرضنا ولا بنغيب حقيقة دمنا اللي دفعناه
ما اتطمعني في الجنة وانت انجس الأنجاس ههههه
افهمت ولا بعدك بدك درس في الحياة ..!
بقلم / كرم الشبطي



مواضيع ذات صلة